Hmanni lawk khan kan chief Minister zahawm tak, mipui ten kan duhloh a, kan hnawla kan paih leh hnu chu, chhandamtu ang hiala ngaiin kan kaitho a, kan chawimawi leh tak khan khawvela hmeichhe zahawm leh chhuanawmber Mother Teressa hminga siam lawmman “Mother Teresa International Millennium Committee’s Mother Teresa Lifetime Achievement Award for 2009 for his outstanding contribution in the field of Peace” tih a dawng nghal at bawk a, , a lawmpui awm hle a ni.
Mother Teresa din pawl Missionaries of Charity te siam a ni teh reng em ni, ava ropui em ve le tia ka han zawnkual hnuin hetiang hi ka hmuhchhuah dan a ni. Kan CM lawmman dawn hi sawisel leh sawihnawm ka tumlo a, mahse he lawmman siamtu te sulhnu pawr ve tak leh nuihzatthlak angreng bawk si hi ka han sawi ve reng reng the ang.
Kum 2005 kum khan he Mother Teresa International Millennium Committee hian Bangladesh opposition hruaitu leh Prime Minister hlui Pi Seikh Hasina chu a tum hnihna atan he lawmman “Mother Teresa Lifetime Achievement Award for 2005 for her outstanding contribution in the field of politics and international diplomacy” lawmman hi an hlawn dawn a, chutiang ta chu tiin Bangladesh-a awm Indian High Commissioner Veena Sikri chu Sudha Sadan a kalin Pi Sheikh Hasina-i chu ava lawmpui a.
Chu thu hriain chanchinbu te chuan an chhuah ta uai uai mai a, Mother Teresa pawl Missionaries of Charity tih nia ngaiin chutiang chuan an chhuah nasa hle a, mahse Sister Nirmala, Superior General of Missionaries of Charity chaun an tih anihloh thu an puangchhuak ve ta nghal a, anmahni pawh rawn lo a Mother Teresa hming chawia lawmwman an siam chu mak an ti thu an sawi tel bawk a, Mother Teresa International Millennium Committee Chairman Anthony Aroon Biswas chuan chanchinbu leh media hrang hranga a lo lan takah chuan he lawmman pet u te hi registered organisation an nih loh thu leh Missionaries of Charity an rawn loh thu te pawh a sawi ta a.
Thil mak tak mai chu dan dinglaiah chuan Foreign dignitaries te lawmman an pe dawn anih chuan venhimna lam thila a pawimawh em em avangin Ministry of External Affairs, leh an pekna tur state sorkar an hril ngei ngei tur ani a, mahsela tuhnenah mah an sawiloh avangin hemi kum pawh hian Pi Seikh Hasina chu India sorkarin lawmman dawng turin a local dawn tih anhriatloh thu an sawi ve hmiah mai a ni.
He pawl hi Don Bosco School zirtitu hlui thin Aroon Biswas a din niin an sawi a, Bishop P. Raju of Kolkata pawh a tel niin an sawi, 2006 kuma an lawmman sem hian nomination committee chairman CPI (M) MP Amitav Nandi chuan engmah a hriatloh thu leh tute nge an thlan tihpawh a hrelo a, chutiang bawkin Nomination committee member tho , West Bengal Agriculture Minister Naren Dey pawnhin engkawng mahin an rawnlo nin a sawi bawk.
Engpawh nise heng thil te hi Kum 2006 kuma thilthleng a ni a, a hnulam zel chu ka hre zui ta loa, an insiamtha ta nge a ngai angina an la kal zel tih pawh ka hre lo a, ka hriat leh chhun hnaivai ber chu kuminah kan Chief Minister zahawm takin remna leh muanna avanga a thawhthat avanga dawng a ni a, a lawmpui awm em em a, kan rama remna leh muanna duh avang leh mipui te hmangaih avanga lalthutthleng hial kian thei tu a nihna kha hre rengin he lawmman hi an rawn hlan ve ta ah kan ngai a, ka lawmpui em em a ni.
Tunah kan ram hruai turin amah leh a kaihhruai Congress kan han thlang tlinga, hna a chelh tirhin ram leh hnam tana a thawhthat tawhna avangin lawmman a dawng bawk a, a thufingin “A bul tanthat chu a zahve zo tluk kan ni e” a tih ang deuh in rin tlak, thlawn nawn tlak leh ram leh hnam tana chhenfakawm, mipui thlengphak ni turing ka duhsakna ka hlan in mipui ten i tawiawm ang u.
23:02 2009-04-10
0 comments:
Post a Comment